D’« GoodFoodLoop-Tour » ass eng pedagogesch Initiativ, déi vun der Equipe vun der base nautique Lultzhausen op d’Been gesat gouf. Wärend der Wanterzäit, vu September bis Mäerz, gi verschidde Workshops fir Jonker ugebueden, fir e ausgeglachenen Liewensstil, eng gesond Ernärung an sportlech Aktivitéiten ze fërderen. D’Workshops bestinn aus Yoga, Kachen, Danz, Skateboard, “Functional Training” a gi vun Experte begleet.

Fir gesond ze sinn an sech all Dag gutt ze fillen ass et wichteg Wuelbefanne, gesond Ernärung a kierperlech Aktivitéit ze kombinéieren. Déi dräi Elementer hänken enk zesummen a beaflossen sech géigesäiteg. E gesonde Liewensstil bedeit e Gläichgewiicht tëscht deem wat een ësst, wéi ee sech beweegt, a wéi ee sech ëm säi Kierper a säi Geescht këmmert. Hei sinn e puer konkret Beispiller déi weise wéi dës dräi Aspekter zesummenhänken: Wëlls de Stress reduzéieren a dech besser a dengem Kierper fillen? Beweegung schëtt Endorphiner aus – d’Hormone vum Wuelbefanne – a verbessert däi Kierpergefill. Wann s du aktiv bass, stäerks de deng perséinlech Zefriddenheet an däi Selbstvertrauen. Dat weist, wéi staark sportlech Aktivitéiten a mental Gesondheet zesummenhänken. Hues de Problemer, dech ze konzentréieren? Kierperlech Aktivitéit hëlleft de Geescht ze entspanen. Gläichzäiteg ginn Hormoner ausgeschott déi deng Leeschtung a Konzentratioun fërderen. Dat weist déi enk Bezéiung tëschent Sport a mentaler Gesondheet. Hues de Schwieregkeeten anzeschlofen? Ze vill Rou kann dozou féieren, datt däi Kierper net genuch ugestrengt gëtt fir gutt ze schlofen. Reegelméisseg Beweegung verbessert net nëmmen d’Schlofqualitéit, mee reduzéiert och Stress a fërdert dat mentaalt Wuelbefanne. Et ënnerstëtzt och eng méi gesond Ernärung, déi wichteg ass fir eng gutt Erhuelung. Sport, Ernärung a mental Gesondheet ginn Hand an Hand fir dat allgemengt Wuelbefanne. Fills de dech dacks midd oder iwwerlaascht duerch permanent Middegkeet? E geschwächt Immunsystem kann de Grond dofir sinn. Kierperlech Aktivitéit stäerkt deng natierlech Verdeedegungskräften, genee wéi eng Ernärung räich u Vitaminne a wichtegen Närstoffer déi den Immunsystem ënnerstëtzten a Middegkeet reduzéieren. Gesond iessen a Bewegung ginn zesumme fir voller Energie an a Form ze bleiwen. Wëlls de Frënn fannen an dech an enger Gemeinschaft integréieren? Equippesport ass ideal fir Kontakter ze knäppen, Teamgeescht z’entwéckelen an Zesummenaarbecht ze léieren. Zousätzlech verbessert gemeinsam kierperlech Aktivitéit déi mental Gesondheet andeems et d’Gefill vu Gemeinschaft stäerkt a Stress reduzéiert.

  De Logo „GoodFoodLoop“ ënnersträicht dräi wichteg Aspekter: „Good“ (Wuelbefannen), „Food“ (gesond Ernärung) an „Loop“ (sportlech Aktivitéiten). Dës Beräicher si staark mateneen verbonnen, an hir Interaktiounen ginn duerch d’Onendlechkeetssymbol am Hannergrond vum Logo kloer ervirgehuewen. Wann „Good“, „Food“ an „Loop“ an Harmonie sinn, ënnerstëtzen se e gesonden Liewensstil an e Gefill vu Wuelbefannen.

De Service national de la jeunesse (SNJ) engagéiert sech aktiv fir d’Fërderung vum Wuelbefannen, eng ausgeglachen Ernärung an d’Ausübung vu Sport duerch verschidden Initiativen an dëse Beräicher. Well den SNJ dovun iwwerzeegt ass, datt kierperlech a geeschteg Gesondheet essentiell fir d’Entfalung vun de Jonken ass, gi verschidden Initiativen ugebueden, déi fir jiddereen zougänglech sinn a gesond Liewensgewunnechten an engem dynameschen an inklusiven Ëmfeld fërderen. Bei dësen Aktivitéite sti Spaass, Austausch a Kooperatioun am Mëttelpunkt a sinn dofir do fir jiddereen ze motivéieren, e gesonden an nohaltege Liewensstil ze pfleegen.