Eng gesond Ernärung, wat ass dat genau?

Eng gesond Ernärung bedeit eng Variatioun u Liewensmëttel z’iessen, déi eisem Kierper alles gëtt wat e braucht fir richteg ze funktionéieren. Dat heescht:

• Vill Faarwen um Teller: Uebst a Geméis fir Vitaminnen a Ballaststoffer
• Liewensmëttel, déi Energie ginn: Wéi Vollkarnuddelen, Vollkarräis, Gromperen oder Vollkarbrout
• Proteinnen, fir staark ze sinn: Fleesch, Fësch, Eeër, Mëllechproduiten oder Alternative wéi Lënsen an Tofu
• E bësse gesond Fetter: Avocadoen, Nëss, Olivenueleg oder fettege Fësch

De Kierper kann ee vergläiche mat engem Auto: E brauch de richtege Brennstoff, fir laang a gutt ze funktionéieren. Genee esou brauch de Kierper déi richteg Närstoffer. Wichteg: Gesond iessen heescht net, datt ee sech alles verbidde muss! Heiansdo Séissegkeeten oder Chips sinn erlaabt, mee net ze oft, well de Kierper se net wierklech brauch.

Eng ausgeglachen Ernärung a Molzecht kann konkret follgendermoossen ausgesinn :

• Eng equilibréiert Moolzecht: En Teller mat Poulet (Proteinnen), Vollkarräis (Energie) a gréng Ierbessen (Ballaststoffer a Vitaminnen)
• Eng gesond Tëschemoolzecht: En Apel mat e bësse Kéis oder eng Handvoll Nëss

Méi Informatiounen iwwert gesond Ernärung fannt dir um Site vum GIMB: https://gimb.public.lu/de.html